ФАРҒОНА ВИЛОЯТИДА БАЧАДОН БЎЙНИ САРАТОНИ БИЛАН КАСАЛЛАНИШНИНГ ЭПИДЕМИОЛОГИК ТАҲЛИЛИ
Abstract
Аннотация. Мазкур мақолада Фарғона вилоятида бачадон бўйни саратони билан касалланишнинг эпидемиологик хусусиятлари таҳлил қилинган. Тадқиқот ретроспектив характерга эга бўлиб, 2018-2024 йиллар давомида Республика ихтисослаштирилган онкология ва радиология илмий-амалий тиббиёт маркази Фарғона вилояти филиалига мурожаат қилган беморларнинг маълумотлари асосида ўтказилди. Касалланишнинг йиллар бўйича динамикаси, ёшга хос тақсимланиши, клиник босқичлар бўйича аниқланиш ҳолати ҳамда шаҳар ва қишлоқ аҳолиси ўртасидаги фарқлар ўрганилди. Таҳлил натижаларига кўра, вилоятда бачадон бўйни саратони билан касалланиш кўрсаткичларининг ўсиш тенденцияси аниқланди. Касаллик асосан 40-59 ёшли аёллар орасида учраб, беморларнинг катта қисми II-III клиник босқичларда ташхисланмоқда. Қишлоқ жойларда яшовчи аёллар орасида касалликнинг кеч аниқланиши ҳолатлари кузатилди. Олинган натижалар бачадон бўйни саратонини эрта аниқлаш, скрининг дастурларини кенгайтириш ва профилактик чора-тадбирларни кучайтириш зарурлигини кўрсатади.
Not yet translated