FILOLOG TALABALARDA INGLIZ TILIDA KOMMUNIKATIV KOMPETENSIYANI RIVOJLANTIRISH OMILLARI
Abstract
Mazkur maqolada filologiya yo‘nalishida tahsil olayotgan talabalarda ingliz tilida kommunikativ kompetensiyani rivojlantirishga ta’sir etuvchi asosiy omillar har tomonlama tahlil qilinadi. Tadqiqotda kommunikativ kompetensiya tushunchasining nazariy asoslari, uning shakllanish bosqichlari hamda tarkibiy komponentlari yetakchi lingvodidaktik yondashuvlar asosida yoritilgan. Xususan, lingvistik, sotsiolingvistik, diskursiv va strategik kompetensiyalarning o‘zaro bog‘liqligi hamda ularning talabalarning nutqiy faoliyatidagi o‘rni ochib berilgan. Shuningdek, maqolada pedagogik, psixologik, ijtimoiy-madaniy va texnologik omillarning chet tilini o‘qitish jarayonidagi ahamiyati tahlil qilinadi. Kommunikativ yondashuv asosida tashkil etilgan darslar, interaktiv metodlar, rol o‘yinlari, munozaralar hamda autentik materiallardan foydalanish talabalarning mustaqil fikrlash, erkin muloqot qilish va real kommunikativ vaziyatlarda samarali ishtirok etish ko‘nikmalarini rivojlantirishga xizmat qilishi asoslab beriladi. Tadqiqot natijalari shuni ko‘rsatadiki, mazkur omillarni uyg‘un holda qo‘llash filolog talabalarning ingliz tilida kommunikativ kompetensiyasini shakllantirish va takomillashtirishda muhim ahamiyat kasb etadi.
Not yet translated