HALIMA XUDOYBERDIYEVA IJODIDA MA'NO KO'CHISH USULLARINING USLUBIY TAHLILI

Ushbu maqolada Halima Xudoyberdiyeva ijodida ma’no ko‘chish usullarining uslubiy xususiyatlari keng va tizimli ravishda tahlil qilinadi. Shoira she’riyatida metafora, metonimiya, sinekdoxa va kinoya kabi semantik ko‘chish vositalari badiiy matnning asosiy estetik va ifodaviy kuchini tashkil etadi. Tadqiqot jarayonida uning she’rlarida qo‘llangan obrazli ifodalar lingvopoetik jihatdan o‘rganilib, ularning matn mazmunini chuqurlashtirishdagi roli yoritildi. Xususan, ma’no ko‘chish usullari shoira ijodida oddiy badiiy bezak emas, balki ijtimoiy, falsafiy va milliy qarashlarni ifodalovchi muhim stilistik vosita sifatida namoyon bo‘ladi. Halima Xudoyberdiyeva she’riyatida ayol obrazi, vatan timsoli va inson hayotining murakkab jihatlari ko‘pincha metaforik tizim orqali beriladi. Bu esa she’rlarning emotsional ta’sir kuchini oshiradi va kitobxonda chuqur estetik idrok uyg‘otadi. Metonimiya va sinekdoxa orqali esa qisqa ifodalar orqali keng mazmun ochib beriladi. Tadqiqotda shuningdek, ma’no ko‘chish vositalarining shoira individual uslubini shakllantirishdagi o‘rni ham ko‘rsatib berildi. Natijada, Xudoyberdiyeva ijodida semantik ko‘chish usullari badiiy tafakkurning asosiy mexanizmlaridan biri ekanligi aniqlanadi. Ushbu tahlil shoira poetik olamini chuqurroq tushunishga yordam beradi va o‘zbek adabiyotida lingvopoetik tadqiqotlar uchun muhim ilmiy asos bo‘lib xizmat qiladi.

Not yet translated