JASALMA INTELLEKTTEN MUZIKA MÁDENIYATI PÁNINDE DURIS PAYDALANIW JOLLARI

В данной научной статье научно-теоретически изучена важность применения технологий искусственного интеллекта (ИИ) в преподавании предмета "Музыкальная культура" в общеобразовательных школах, их положительные и отрицательные стороны, а также пути правильного и эффективного использования искусственного интеллекта в развитии музыкальных способностей учащихся. Kirisiw. Zamanagóy sanlı texnologiyalar ásirinde jasalma intellekt (JI) jámiyetlik turmıstıń barlıq tarawlarına, sonıń ishinde, bilimlendiriw tarawına da jedel kirip kelmekte. Ulıwma bilim beriw mekteplerinde oqıtılatuǵın "Muzika mádeniyati" páni oqıwshılardıń ruwxıy-estetikalıq dúnyasın bayıtıwǵa, olarda kórkem-ónerge bolǵan qızıǵıwshılıqtı oyatıwǵa qaratılǵan. Búgingi kúnde bul pándi oqıtıw metodikasın jańalaw, oqıwshılardıń itibarın tartıw ushın jasalma intellekt múmkinshiliklerinen paydalanıw áhmiyetli máselelerdiń biri esaplanadı. Biraq, muzika – bul eń dáslep insan sezimi, ruwxıy keshirmesi bolǵanlıqtan, jasalma intellektten pándi oqıtıwda tek ǵana járdemshi qural retinde, durıs hám óz ornında paydalanıw talap etiledi. Tiykargı bólim. Mámleketimizde Úshinshi renessans dáwiri dep tán alınıp atırǵan búgingi kúnimiz ǵárezsiz Ózbekstan tariyxında jańa dáwirdi baslap berdi. Qısqa dáwir ishinde mámleketimizde mámleket hám jámiet qurılısınıń pútkilley jańa siyasiy tiykarları jaratılıwı menen birgelikte sociallıq-ekonomikalıq hám ruwxıy tarawlar rawajlanıwınıń baslı baǵdarları belgilep berildi. Áne usınday oyanıw dáwirinde Ózbekstan Prezidenti Sh.M.Mirziyoev ǵárezsizlik penen baylanıslı barlıq sociallıq-siyasiy hám ekonomikalıq máseleler qatarında insan, ásirese jas áwlad mánawiyatı, erkin, azat shaxs aǵartıwshılıǵına, mádeniyat hám kórkem ónerdiń rawajlanıwına ayrıqsha itibar berdi. Bunday juwapkershilikli maqsetti ámelge asırıwda pedagogikalıqlıq joqarı oqıw orınlarında oqıtılatuǵın ilimlerdiń ózi jeterli emes. Al barlıq bilim beriw oqıw orınlardada kenirek itibar qaratıwımız kerek. Oqıwshılardıń hár tárepleme jetik, zıyalı, mádeniyatlı tárbiyashılar bolıp jetisiwleri olardı insaniyat jaratqan materiallıq hám ruwxıy qádiriyatlardan, kórkem óner shıǵarmalarınan ilajı barınsha keń paydalanıwın talap etedi. Ótmishte jasap dóretiwshilik etken ullı ata-babalarımız Abu Nasr Farabiy, Abu Rayhon Beruniy, Abu Ali Ibn Sina, Muhammed Muwsa Xorezmiy, Yusuf Has Hajib, Imam Ismayıl Buháriy, Imam at-Termiziy, Mırza Uluǵbek hám Alisher Nawayılardıń ilimiy-ruwxıy miyraslarınan jaslardı keń xabardar etip barıw, sonday-aq jaqın ótmishte jasap dóretiwshilik etken Abdurauf Fitrat, Abdulhamid Sholpan, Mahmudxoja Behbudiy, Abdulla Avloniy, Sadriddin Ayniy sıyaqlılardıń tálim-tárbiyaǵa tiyisli shıǵarmaların, olarda ilgeri súrilgen ideyalar, pedagogikalıq pikir hám qaraslardı búgingi tálim-tárbiyaǵa baylanıstırıw nátiyjesinde jaqsı nátiyjege erisiw múmkin. Ásirese, jasalma intellekt baǵdarlamaları (máselen, muzika jaratıwshı neyrotarmaqlar, dawıstı analiz qılıwshı qosımshalar hám t.b.) oqıtıwshıǵa da, oqıwshıǵa da keń

Not yet translated