EKOLOGIK SOLIQLAR TIZIMINING YASHIL IQTISODIYOT RIVOJLANISHDAGI O‘RNI VA SAMARADORLIGINI OSHIRISH YO‘NALISHLARI
Abstract
Mazkur maqolada zamonaviy iqtisodiy rivojlanish sharoitida tabiiy resurslardan intensiv foydalanish natijasida yuzaga kelayotgan ekologik muammolar hamda ularni bartaraf etishda ekologik soliqlar tizimining o‘rni o‘rganilgan. Tadqiqot jarayonida ekologik soliqlar orqali atrof-muhitga salbiy ta’sirlarni kamaytirish, resurslardan oqilona foydalanish va yashil iqtisodiyot rivojlanishini rag‘batlantirish masalalari tahlil qilingan. Ishda statistik ma’lumotlar asosida atmosfera havosining ifloslanish dinamikasi o‘rganilib, jahon tajribasi va O‘zbekiston amaliyoti o‘zaro taqqoslangan. Tadqiqot natijalariga ko‘ra, ekologik soliqlar tizimini takomillashtirish, differensial soliq stavkalarini joriy etish hamda ekologik toza texnologiyalarni qo‘llab-quvvatlash yashil iqtisodiyot rivojlanishini jadallashtirishga xizmat qilishi aniqlangan.