PEDAGOGIK TADQIQOTLARNING ZAMONAVIY METODOLOGIK MUAMMOLARI
Abstract
Ushbu ilmiy maqolada zamonaviy pedagogik ilmiy tadqiqotlar duch kelayotgan asosiy metodologik va amaliy muammolar tahlil qilinadi. Pedagogika fanining rivojlanish bosqichida uning nazariy-metodologik poydevori, ilmiy izlanishlarning amaliyot bilan bogʻliqligi, tadqiqotlarda kuzatilayotgan bir xillik bugungi kundagi eng dolzarb muammolar sirasiga kiradi. Maqolada ushbu muammolarning kelib chiqish sabablari, ularning fan taraqqiyotiga salbiy ta'siri, shuningdek, muammolarni bartaraf etish yoʻllari haqida fikr yuritilgan.Tadqiqot natijalari shuni koʻrsatadiki, pedagogik izlanishlarning sifat va samaradorligini oshirish uchun chuqur nazariy asosga ega boʻlgan, amaliyot bilan uzviy bogʻlangan va haqiqiy innovatsion yondashuvni qoʻllaydigan yangi metodologik modelni joriy etish zarur.