HAMID OLIMJON DOSTONLARI MATNIDA ALOQANI TA'MINLOVCHI LEKSIK-GRAMMATIK VOSITALARNING LINGVOPOETIK TAHLILI
Abstract
Ushbu maqolada o‘zbek adabiyotining yirik vakili Hamid Olimjon dostonlarida qo‘llangan so‘zlarning leksik-grammatik xususiyatlari atroflicha tahlil qilinadi. Tadqiqot jarayonida shoir ijodiga xos bo‘lgan badiiy til vositalari, xususan, matn qismlarini o‘zaro bog‘lashda muhim ahamiyat kasb etuvchi kesimlik shakllarining funksional imkoniyatlari ochib beriladi. Shuningdek, dostonlarda uchraydigan takrorlar, zamon va makonni ifodalovchi leksemalarning qo‘llanilishi orqali badiiy matnning semantik yaxlitligi va ichki uyg‘unligi ta’minlanishi yoritiladi. Mazkur til birliklari shoirning badiiy mahoratini, tasviriy vositalardan samarali foydalanish uslubini hamda o‘zbek tilining ifoda imkoniyatlari nihoyatda boy va rang-barang ekanini namoyon etadi. Maqola Hamid Olimjon dostonlari tilini o‘rganishda leksik va grammatik birliklarning o‘zaro munosabatini aniqlashga xizmat qiladi hamda o‘zbek badiiy matn lingvistikasi uchun muhim ilmiy xulosalar chiqarishga imkon yaratadi