BOSHLANGʻICH SINFLARDA O'QISH SAVODXONLIGINI RIVOJLANTIRISHDA INTERFAOL METODLARDAN FOYDALANISH
Abstract
Mazkur maqolada boshlang‘ich sinflarda o‘qish savodxonligini rivojlantirishda interfaol metodlardan foydalanish masalasi ilmiy-pedagogik jihatdan tahlil etilgan. O‘qish savodxonligi tushunchasining mazmun-mohiyati ochib berilib, uning o‘quvchilarning intellektual, nutqiy va ijodiy rivojlanishidagi o‘rni yoritilgan. Shuningdek, an’anaviy o‘qitish usullarining cheklangan jihatlari ko‘rsatilib, interfaol, innovatsion va o‘yin texnologiyalariga asoslangan metodlarning ta’lim samaradorligini oshirishdagi ahamiyati asoslab berilgan. Maqolada “Aqliy hujum”, “Klaster”, “INSERT”, rolli o‘yinlar kabi interfaol metodlarning boshlang‘ich sinf o‘quvchilarida matnni ongli o‘qish, tahlil qilish, mustaqil fikrlash va o‘z fikrini og‘zaki hamda yozma shaklda ifodalash ko‘nikmalarini rivojlantirishdagi imkoniyatlari yoritilgan.