MAKTABGACHA YOSHDAGI BOLALAR RIVOJLANISHIDA O'YIN TEXNOLOGIYALARINING AHAMIYATI
Abstract
Mazkur tezisda maktabgacha ta’lim yoshidagi bolalarning shaxsiy, kognitiv, emotsional-irodaviy hamda ijtimoiy rivojlanishida o‘yin texnologiyalarining pedagogik ahamiyati ilmiy asosda tahlil qilinadi. Tadqiqotda o‘yin faoliyatining bolaning tabiiy ehtiyojlariga mos keluvchi yetakchi faoliyat turi ekanligi, shuningdek, zamonaviy pedagogik yondashuvlar doirasida o‘yin texnologiyalarining ta’lim-tarbiya jarayoniga integratsiyalashuvi masalalari yoritiladi. Maqolada didaktik, syujetli-rolli, harakatli hamda raqamli o‘yinlarning bolaning nutqiy faolligi, mantiqiy tafakkuri, ijodiy qobiliyatlari va ijtimoiy moslashuviga ta’siri tahlil qilinadi. Shuningdek, o‘yin texnologiyalaridan samarali foydalanish orqali bolalarda mustaqil fikrlash, muammoli vaziyatlarni hal etish ko‘nikmalari hamda ijobiy motivatsiyani shakllantirish imkoniyatlari ko‘rsatib beriladi. Tadqiqot natijalari o‘yin texnologiyalarining maktabgacha ta’lim tizimida innovatsion pedagogik vosita sifatidagi o‘rnini asoslab beradi hamda tarbiyachilar uchun amaliy tavsiyalar ishlab chiqishga xizmat qiladi.