O'QUVCHILARDA EKOLOGIK MADANIYATNI SHAKLLANTIRISHDA SINFDAN TASHQARI MASHG'ULOTLARNING AHAMIYATI
Abstract
Ushbu maqolada umumta’lim maktablari o‘quvchilarida ekologik madaniyatni shakllantirishning pedagogik va psixologik asoslari, xususan, sinfdan tashqari mashg‘ulotlarning bu jarayondagi strategik ahamiyati tadqiq etilgan. Bugungi kunda global ekologik inqiroz sharoitida yosh avlodning tabiatga bo‘lgan munosabatini tubdan o‘zgartirish, ularda ekocentrik dunyoqarashni qaror toptirish dolzarb vazifa hisoblanadi. Maqolada darsdan tashqari vaqtda tashkil etiladigan ekologik to‘garaklar, ekskursiyalar, “yashil” loyihalar va intellektual o‘yinlarning o‘quvchi shaxsi rivojlanishiga ta’siri tahlil qilingan. Shuningdek, maqolada o‘quvchilarning ekologik mas’uliyatini oshirish, tabiat boyliklaridan oqilona foydalanish va atrof-muhitni muhofaza qilish bo‘yicha metodik tavsiyalar hamda innovatsion yondashuvlar bayon etilgan.