O'ZBEKISTON RESPUBLIKASIDA INGLIZ TILINI O'QITISH JARAYONIDA TURIZM SOHASIDA BO'LAJAK MUTAXASSISLARDA KASBIY KOMPETENSIYANI SHAKLLANTIRISHNING ZAMONAVIY HOLATI
Abstract
Mazkur maqolada O‘zbekiston Respublikasida turizm yo‘nalishida tahsil olayotgan talabalarda ingliz tilini o‘qitish orqali kasbiy kompetensiyani shakllantirishning zamonaviy holati tahlil qilinadi. Tadqiqot davomida oliy ta’lim tizimida xorijiy til kompetensiyasini rivojlantirishga oid davlat siyosati, innovatsion pedagogik texnologiyalar, kommunikativ yondashuv hamda integrativ ta’lim metodlarining ahamiyati yoritildi. Shuningdek, turizm sohasi uchun zarur bo‘lgan lingvistik, pragmatik va madaniyatlararo kommunikativ kompetensiyalarni shakllantirish mexanizmlari ko‘rib chiqildi. Tadqiqot natijalari shuni ko‘rsatadiki, ingliz tilini kasbiy yo‘naltirilgan holda o‘qitish talabalarning xalqaro mehnat bozoridagi raqobatbardoshligini oshirishga xizmat qiladi. Maqolada turizm ta’limida zamonaviy metodlardan foydalanishning samaradorligi ilmiy asosda tahlil qilinib, amaliy tavsiyalar ishlab chiqilgan.