O'ZBEKISTON LOGISTIKA INFRATUZILMASIDA OMBORLARNING STRATEGIK ROLI

Mazkur maqolada O‘zbekiston logistika infratuzilmasining ajralmas tarkibiy qismi hisoblangan ombor xo‘jaliklarining strategik ahamiyati, ularning ta’minot zanjiri samaradorligini oshirishdagi o‘rni hamda mamlakat iqtisodiy rivojlanishiga ta’siri ilmiy nuqtai nazardan tahlil qilinadi. So‘nggi yillarda O‘zbekistonda transport-logistika xizmatlari hajmining o‘sishi, elektron tijoratning kengayishi va xalqaro savdo aloqalarining faollashuvi zamonaviy ombor infratuzilmasiga bo‘lgan talabni keskin oshirmoqda. Tadqiqotda omborlarning yuk oqimlarini muvofiqlashtirish, mahsulotlarni saqlash xarajatlarini optimallashtirish, yetkazib berish muddatlarini qisqartirish hamda logistika tizimining barqarorligini ta’minlashdagi strategik funksiyalari yoritilgan. Shuningdek, mamlakatning geoiqtisodiy joylashuvi, Markaziy Osiyodagi tranzit salohiyati va xalqaro transport yo‘laklarining rivojlanishi sharoitida zamonaviy logistika markazlari va yuqori texnologiyali omborlarning ahamiyati baholanadi. Tadqiqot natijalari shuni ko‘rsatadiki, ombor infratuzilmasini raqamlashtirish, avtomatlashtirish va hududlar kesimida muvozanatli rivojlantirish nafaqat logistika xarajatlarini kamaytiradi, balki eksport-import operatsiyalarining raqobatbardoshligini oshirishga ham xizmat qiladi. Maqolada O‘zbekiston logistika tizimida ombor xo‘jaliklarini modernizatsiya qilishning ustuvor yo‘nalishlari hamda ularning milliy iqtisodiyotning barqaror o‘sishidagi strategik ahamiyati yuzasidan ilmiy xulosalar shakllantirilgan.

Not yet translated