3-SINFDA "SIFAT" SO'Z TURKUMINI O'RGATISHDA SO'ZLARNING BIRIKUVCHANLIGI USTIDA ISHLASH

Mustaqillikdan so‘ng tayanch umumiy ta’limda ona tilining maqsadi o‘quvchida ijodiylik, mustaqil fikrlash, ijodiy fikr mahsulini nutq sharoitiga mos ravishda og‘zaki, yozma shakllarda to‘g‘ri, ravon ifodalash ko‘nikmalarini shakllantirish deb belgilandi [2, 22]. Hozirgi kunda ona tili ta’limining asosiy maqsadidan kelib chiqib “<em>ona tili ta’limi jarayonida asosiy diqqatni o‘quvchining so‘z boyligini oshirish, so‘zlarning ma’no nozikliklari, farq va o‘xshashliklarini his etish, anglab yetish </em>(ta’kid bizniki)<em>,</em> bexato talaffuz qilish, yozish, so‘zlarni bog‘lab gap, gaplardan esa matn tuza olish, birikmalardagi ma’noviy va grammatik, matndagi mantiqiy xatoliklarni topish, tuzatish, o‘zgalar fikrini to‘g‘ri anglash, bir fikrni turli shaklda ifodalash, uzilgan fikrning davomini tiklash kabi bir qancha mantiqiy operatsiyalarni bajarish, nutq vaziyatini to‘g‘ri baholash, til imkoniyatlaridan unga mos ravishda foydanish ko‘nikmalarini shakllantirish, malakasini o‘stirishga qaratish zarur”ligi ta`kidlanmoqda [1, 9]. Demak, ona tili ta`limi, jumladan, boshlang‘ich sinf ona tili darslarida o‘quvchining so‘z boyligini oshirish, so‘zlarning ma’no nozikliklari, farq va o‘xshashliklarini his etish, anglab yetishga o‘rgatish til ta`limi oldida turgan dolzarb vazifalardan biridir.

Перевод пока недоступен