Attributes of mitra in the age of Avesta

Mazkur maqola zardushtiylik ilohiyot tizimining samoviy mavhum timsollardan biri Mitra va uning funksiyalariga bag‘ishlangan. Mitraning sifatlari - qudratli hukmdor, go‘zal notiq, qomati tik, bo‘ydor, osmoniy bilimdon, jangovor qurollar egasi, savobordor va har ishga qodirligi badiiy tasvirlar bilan ochib berilgan. Maqolada Zardusht yagona parvardigor mavjudligini e’lon qilib, odamlar hamma narsaga qodir ilohiy mavhum zotni tasavvur qilishlari qiyin bo‘lgan davrda Ahura Mazda Mitraga imon va e’tiqod qo‘riqchisi sifatida dindan qaytganlarni jazolash vazifasini yuklaganligi ilmiy tahlil qilingan. Mitra imonli mamlakatlarni ulkan zafarlarga yo‘llaydi. Ahdida turmas yurtlarni yuzini baxtdan teskari qiladi, erishgan zafarlarini to‘zdiradi. Mitra yuz ming tuman ko‘zli zotdir. Mitraning ellik zarbda yuz yovni, yuz zarb bilan ming yovni, ming zarbida esa ming tuman yovni, ming tuman zarbda son-sanoqsiz yovni yo‘q qilishi kabi sifatlari, barcha yolg‘onlarning sababchisi devlar boshiga qiron solishi, bitim xoinlarining boshlarini yanchib, Haq yo‘lidagi yurtni ulug‘likka chorlash kabi funksiyalari VII asr oxiri - VIII asr boshiga oid so‘g‘d yozma yodgorliklari misolida dalillangan.

Перевод пока недоступен