СОҒЛИҚНИ САҚЛАШ СОҲАСИНИ ДАВЛАТ-ХУСУСИЙ ШЕРИКЛИК АСОСИДА МОЛИЯЛАШТИРИШ
Аннотация
Мақолада соғлиқни сақлаш соҳасини молиялаштириш шаклларидан бири – давлат-хусусий шериклик ҳақидаги назарий ёндашувлар тадқиқ қилинган. Соғлиқни сақлаш соҳасида инфратузилма лойиҳаларини молиялаштиришда давлат-хусусий шериклик механизмини қўллаш масаласи хорижий экспертларнинг ишларида ўрганилган. Европа Иттифоқи мамлакатларида давлат ва хусусий шериклик асосида соғлиқни сақлаш тизимини молиялаштириш улуши ҳамда Ўзбекистон Республикасида соғлиқни сақлаш соҳасида амалдаги давлат ва хусусий шериклик шакллари ҳақида ҳам тўхталиб ўтилган. Давлат ва хусусий шериклик шартномаларини тузиш орқали ижтимоий инфратузилма лойиҳаларини амалга ошириш афзалликлари кўрсатилган ҳамда давлат ва хусусий шериклик механизмига муаллифлик ёндашуви ва қарашлари баён этилган.