МОВАРОУННАҲРЛИК ИЛК МУТАКАЛЛИМЛАР ФАОЛИЯТИ
Аннотация
Мовароуннаҳр уламолари фиқҳда ҳам, ақидада ҳам Имом Абу Ҳанифанинг мазҳабига эргашиб, турли оқим ва фирқа вакиллари билан баҳс-мунозара қилиш орқали мазкур мазҳабни ўлкада ривожланиши ва кенг ёйилишига ҳисса қўшганлар. Самарқанд уламоларидан бир нечтаси бевосита Имом Абу Ҳанифадан таълим олиб, унинг таълимотларини Самарқанд шаҳри ва ён-атррифида тарқатилишига эришганлар. Хусусан, бу борада Абу Муқотил Самарқандийнинг ўрни беқиёс бўлиб, у билан устози Имом Абу Ҳанифа ўртасида муайян ақидавий мавзулар борасида савол-жавоб шаклида ёзилган «Китоб ал-олим вал-мутааллим» асари ҳанафий мазҳабининг ақидавий қарашларини ифода қиладиган муҳим асарлардан бири эканини кўпчилик тадқиқотчилар эътироф қилишади. Мақолада VII-VIII асрларда кўплаб Мовароуннаҳрлик уламолар Куфа шаҳрига бориб, Имом Абу Ҳанифадан таълим олганлари, пировард натижада айнан улар Имом Абу Ҳанифанинг ақидага оид асарларини ривоят қилишда муҳим ўрин тутганлари ёритилган.
Перевод пока недоступен