ZAMONAVIY TA'LIMDA STEAM TA'LIMINING O‘RNI VA AHAMIYATI

Annotatsiya: Zamonaviy ta'lim tizimi bugungi kunda jahonda yuz berayotgan chuqur texnologik, ilmiy va madaniy o‘zgarishlar sharoitida uzluksiz rivojlanishga intilmoqda. Bu o‘zgarishlar natijasida ta'limga bo‘lgan talablar ham, ta'lim metodlari ham tubdan yangilanishni talab qilmoqda. Ana shunday zamonaviy ta'lim yo‘nalishlaridan biri, bu – STEAM ta'limidir. STEAM qisqartmasi ingliz tilidagi Science (fan), Technology (texnologiya), Engineering (muhandislik), Art (san’at), Mathematics (matematika) so‘zlarining bosh harflaridan tashkil topgan. STEAM ta'limi har bir davlatda jamiyat taraqqiyoti, iqtisodiy rivojlanish va ilmiy yutuqlarga asos bo‘ladigan ilg‘or yo‘nalishlardan biri sanaladi. Ma'naviy va intellektual taraqqiyotga bo‘lgan ehtiyoj, zamonaviy texnologiyalarning hamda innovatsion yondashuvlarning rivoji, ta'lim sohasida ham yangi metod va metodikalarning yuzaga kelishiga sabab bo‘ldi. STEAM ta'limining asosiy maqsadi yoshlarda tanqidiy fikrlash, muammoni hal qilish, ijodiy yondashuv kabi ko‘nikmalarni shakllantirishdan iborat. Bu metod sog‘lom va faol jamiyat qurishda ham, iqtisodiy rivojlanishga erishishda ham muhim ahamiyat kasb etadi.

Перевод пока недоступен