2-tur qandli diabetda arterial gipertenziya rivojlanishida genetik polimorfizmlarning roli (ACE, AGT, ADRB2 genlari misolida)
Аннотация
Mazkur maqolada 2-tur qandli diabet bilan og‘rigan bemorlarda arterial gipertenziyaning rivojlanishida genetik polimorfizmlarning o‘rni ACE (I/D), AGT (M235T) va ADRB2 (Arg16Gly) genlari misolida tahlil qilinadi. Tadqiqotda renin-angiotenzin-aldosteron sistemasining (RAAS) irsiy xususiyatlari, genetik markerlarning individual xavf profiliga ta’siri, populyatsion farqlar hamda farmakogenetik yondashuvlar yoritiladi. Shuningdek, genotiplash natijalari bilan klinik ko‘rsatkichlar (qon bosimi parametrlari, glikemik nazorat, lipid profili) o‘rtasidagi bog‘liqlik baholanadi. Olingan natijalar 2-tur qandli diabet fonida gipertenziyaning rivojlanishini oldindan bashoratlash va shaxsga yo‘naltirilgan davolash strategiyalarini ishlab chiqishda muhim ilmiy-amaliy ahamiyat kasb etadi.