СУРУНКАЛИ ЮРАК ЕТИШМОВЧИЛИГИ НЕГИЗИДА РИВОЖЛАНГАН КАРДИОРЕНАЛ СИНДРОМДА TGF-β1, АЛЬДОСТЕРОН ВА КОЛЛАГЕН IV ДАРАЖАЛАРИНИНГ КЛИНИК АҲАМИЯТИ

Резюме. Мақсад. Сурункали юрак етишмовчилиги (СЮЕ) негизида ривожланган кардиоренал синдром (КРС) мавжуд беморларда қон зардобидаги TGF-β1, альдостерон ва коллаген IV даражаларини ўрганиш ҳамда уларнинг клиник-гемодинамик кўрсаткичлар билан боғлиқлигини баҳолаш. Материал ва усуллар. Тадқиқотга СЮЕ мавжуд 200 нафар бемор жалб этилди: I гуруҳ (КРС+) – 100 нафар КРС ривожланган беморлар; II гуруҳ (КРС–) – 100 нафар КРС ривожланмаган беморлар. Назорат гуруҳи 40 нафар соғлом шахслардан иборат эди. Барча беморларда TGF-β1, альдостерон, коллаген IV даражалари, ҳисоблаб чиқилган коптокчалар филтрацияси тезлиги (ҳКФТ), цистатин-С ва эхокардиография кўрсаткичлари ўрганилди. Натижалар. КРС+ гуруҳида TGF-β1 даражаси 48,7±3,2 нг/мл ни ташкил қилиб, КРС– гуруҳига ва назорат гуруҳига нисбатан сезиларли юқори эди. Альдостерон даражаси КРС+ гуруҳида 285,6±18,4 пг/мл, КРС– гуруҳида 178,3±12,6 пг/мл ва назорат гуруҳида 98,4±8,2 пг/мл ни ташкил қилди. Коллаген IV даражаси КРС+ гуруҳида назорат гуруҳига нисбатан 3,2 баробар юқори эди. TGF-β1 даражаси ҳКФТ билан тескари корреляцион боғлиқликка эга эди. Хулоса. СЮЕ негизида ривожланган КРС мавжуд беморларда TGF-β1, альдостерон ва коллаген IV даражаларининг сезиларли ошиши фиброз жараёнларининг фаоллигини кўрсатади. Калит сўзлар: кардиоренал синдром, сурункали юрак етишмовчилиги, TGF-β1, альдостерон, коллаген IV, фиброз.

Перевод пока недоступен