JADIDLAR MEROSINING “PEDAGOGIKA TARIXI” MODULIGA INTERAKTIV TATBIQ ETILISHI

Mazkur maqolada jadidlar ma’naviy-ma’rifiy merosini zamonaviy ta’lim tizimida, xususan, “Pedagogika tarixi” modulida interaktiv usullar orqali tatbiq etish masalasi yoritilgan. Jadidlarning ilg‘or pedagogik g‘oyalari o‘quv jarayonida raqamli texnologiyalar, interaktiv metodlar va innovatsion yondashuvlar orqali talabalarga yetkazilishi muhim omil sifatida ko‘rsatib o‘tiladi. Tadqiqotda jadidlarning ta’lim-tarbiya haqidagi qarashlari, ularning milliy uyg‘onish davridagi faoliyati hamda hozirgi davr ta’lim jarayonida qo‘llash imkoniyatlari ilmiy tahlil qilingan. Shuningdek, modul darslari davomida talabalarda mustaqil fikrlash, ijtimoiy faollik va milliy o‘zlikni anglash ko‘nikmalarini shakllantirishda jadidlar merosining o‘rni yoritiladi. Xulosa qismida, “Pedagogika tarixi” fanini interaktiv texnologiyalar yordamida o‘qitishda jadidlar ilmiy-ma’rifiy qarashlaridan samarali foydalanish nafaqat ta’lim sifati, balki yosh avlodning vatanparvarlik, ma’naviyat va tarixiy ongini rivojlantirishga xizmat qilishi ta’kidlangan.

Перевод пока недоступен