БОЛАЛАРДА СУРУНКАЛИ ЙИРИНГЛИ ЎРТА ОТИТНИ ЖАРРОҲЛИК ЙЎЛИ БИЛАН ДАВОЛАШ УСУЛЛАРИНИ ТАКОМИЛЛАШТИРИШ
Аннотация
Резюме. Сурункали йирингли ўрта отит (СЙЎО) замонавий болалар оториноларинго-логиясининг энг долзарб муаммоларидан бири бўлиб қолмоқда. Эпидемиологик тадқиқотлар натижаларига кўра, болалар орасида СЙЎО тарқалиши 2-4 фоизни ташкил этади, бунда болалар оториноларингологик касалликлари таркибида ушбу касаллик барча ҳолатларнинг 25 фоизигача қисмини эгаллайди. Болаларда ўрта қулоқнинг анатомик-физиологик тузилиш хусусиятлари, жумладан қисқа ва кенг эшитув найи, ноғора бўшлиғининг горизонтал жойлашуви, чақалоқлар ўрта қулоғида миксоид тўқиманинг мавжудлиги яллиғланиш жараёнининг ривожланиши ва сурункали тус олишига шароит яратади. Бола иммун тизимининг етарли даражада ривожланмаганлиги, тез-тез учрайдиган нафас йўллари инфекциялари, аденоид вегетациялар касаллик кечишини янада оғирлаштиради. Калит сўзлар: сурункали йирингли ўрта отит, болалар оториноларингологияси, тимпанопластика, эндоскопик жарроҳлик, мастоидектомия, эшитиш суякчалари реконструкцияси, ноғора парда, аъзо сақловчи операциялар, ўрта қулоқ микрожарроҳлик, операциядан кейинги асоратлар, функционал натижалар, остеопластик материаллар.
Перевод пока недоступен