КИМЁВИЙ АДДИКТИВ БУЗИЛИШЛАРДА КОГНИТИВ ФУНКЦИЯЛАРНИНГ ИНТЕГРАТИВ МУЛЬТИДИМЕНЗИОНАЛ ТАҲЛИЛИ: СТРУКТУР, ФУНКЦИОНАЛ ВА НЕЙРОКОГНИТИВ ЎЗГАРИШЛАРНИ КОМПЛЕКС БАҲОЛАШ

Резюме. Кимёвий аддиктив бузилишлар замонавий жамиятда психоэмоционал ва когнитив дисфункциялар билан тавсифланади ва уларни фақат субъектив клиник мезонлар орқали баҳолаш етарли эмас. Тадқиқотда 140 нафар бемор асосий (n = 100) ва назорат (n = 40) гуруҳларга ажратилди. Асосий гуруҳда стандарт медикаментоз терапияга қўшимча равишда психотерапевтик ва тиббий-ижтимоий комплекс реабилитация тадбирлари қўлланилди. Когнитив ва нейрокогнитив функциялар интегратив мультидимензионал усуллар орқали баҳоланди. Натижалар шуни кўрсатдики, асосий гуруҳда барча когнитив параметрлар - диққат ва консентрация, хотира, ижроий функция ва умумий MoCA индекси - сезиларли даражада яхшиланди. Назорат гуруҳида эса ўзгаришлар анча кам бўлди (p < 0,05). Бу натижалар комплекс реабилитация ва интегратив баҳолашнинг самарадорлигини ва индивидуал реабилитация стратегияларини ишлаб чиқишдаги муҳимлигини илмий асос билан тасдиқлайди. Калит сўзлар: кимёвий аддиктив бузилишлар, когнитив функциялар, нейрокогнитив ўзгаришлар, интегратив мультидимензионал баҳолаш, комплекс реабилитация.

Перевод пока недоступен