РЕВМАТОИД АРТРИТ БИЛАН ОҒРИГАН БЕМОРЛАРДА СЎЛАК БЕЗЛАРИНИНГ СТРУКТУРАВИЙ ВА ФУНКЦИОНАЛ ҲОЛАТИНИ БАҲОЛАШ

Резюме. Ревматоид артрит (РА) сурункали аутоиммун яллиғланиш касаллиги бўлиб, у нафақат бўғимларни, балки кўплаб ички аъзолар ва экзокрин безлар, жумладан сўлак безларини ҳам зарарлаши мумкин. Сўлак безларининг структуравий ва функционал бузилишлари оғиз бўшлиғи саломатлигининг ёмонлашувига, ксеростомия, чайнаш ва ютиш қийинчиликларига, шунингдек, стоматологик асоратларнинг ривожланишига олиб келади. Шу боис ревматоид артрит билан оғриган беморларда сўлак безларининг ҳолатини комплекс баҳолаш долзарб илмий ва амалий аҳамиятга эга ҳисобланади. Мазкур тадқиқотнинг асосий мақсади ревматоид артрит билан оғриган беморларда сўлак безларининг структуравий ва функционал ҳолатини баҳолаш ҳамда аниқланган ўзгаришларнинг клиник аҳамиятини таҳлил қилишдан иборат. Тадқиқот давомида беморларда сўлак безларининг анатомик тузилиши, уларнинг ультратовуш белгиларидаги ўзгаришлари, сўлак ажралиш тезлиги ва сифат кўрсаткичлари, шунингдек, оғиз бўшлиғи шикоятлари ўрганилди. Олинган натижалар соғлом назорат гуруҳи кўрсаткичлари билан қиёсий таҳлил қилинди. Калит сўзлар: ревматоид артрит, сўлак безлари, ксеростомия, сўлак секрецияси, структуравий ўзгаришлар, функционал ҳолат, ультратовуш текшируви, оғиз бўшлиғи саломатлиги, аутоиммун касалликлар, клиник баҳолаш.

Перевод пока недоступен