ОШҚОЗОН-ИЧАК ПАТОЛОГИЯСИ ФОНИДА ПАРОДОНТИТНИНГ ЧУҚУРЛАШИШИНИ ОЛДИНИ ОЛИШДА КОМПЛEКС ПРОФИЛАКТИКАНИНГ САМАРАДОРЛИГИ
Аннотация
Резюме. Мақсад. Ошқозон-ичак касалликлари (ОИК) мавжуд беморларда пародонтитнинг чуқурлашишини олдини олишда комплекс профилактика чораларининг клиник самарадорлигини баҳолаш. Материал ва усуллар. Тадқиқотда пародонтит ташхиси қўйилган ва ошқозон-ичак патологияси аниқланган беморлар кузатувга олинди. Беморлар асосий, таққослаш ва назорат гуруҳларига бўлинди. Асосий гуруҳда профессионал оғиз гигиенаси, индивидуал гигиена бўйича тренинг, яллиғланишга қарши маҳаллий воситалар ҳамда гастроэнтеролог билан ҳамкорликда комплекс профилактика олиб борилди. Назорат гуруҳида стандарт стоматологик тавсиялар берилди. Клиник ҳолат ОҲИ-С, ГИ, қонаш индекси каби кўрсаткичлар асосида баҳоланди. Натижалар. Комплекс профилактика қўлланган беморларда пародонт тўқималаридаги яллиғланиш белгилари, қонаш ва гигиена индексларининг ишончли даражада яхшиланиши кузатилди. Хулоса. Ошқозон-ичак патологияси мавжуд беморларда пародонтитнинг чуқурлашишини олдини олишда стоматологик ва терапевтик ёндашувларни бирлаштирган комплекс профилактика самарали ҳисобланади. Калит сўзлар: пародонтит; ошқозон-ичак касалликлари; комплекс профилактика.
Перевод пока недоступен