ПРЕЭКЛАМПСИЯНИ ЭРТА ТАШХИСЛАШ ЛАБОРАТОР МЕТОДЛАРИ
Аннотация
Резюме. Ушбу мақолада преэклампсияни эрта ташхислашда қўлланиладиган лаборатор методларнинг аҳамияти ёритилган. Преэклампсия ҳомиладорлик даврида учрайдиган, артериал гипертензия ва кўп органли дисфункция билан кечувчи оғир патологик ҳолат ҳисобланади. Касалликни эрта аниқлашда сийдикда оқсилни аниқлаш, қоннинг умумий ва биокимёвий таҳлиллари, жигар ва буйрак фаолияти кўрсаткичлари муҳим диагностик аҳамиятга эга. Шунингдек, эндотелиал дисфункция ва плацентар функцияни акс эттирувчи биомаркерлар NOS3, PlGF, sFlt-1, sEng ҳамда NOS3, sFlt-1/PlGF нисбати преэклампсияни клиник белгилари пайдо бўлишидан олдин аниқлаш имконини беради. Лаборатор кўрсаткичларни комплекс баҳолаш преэклампсияни эрта ташхислаш, касаллик оғирлигини баҳолаш ва она ҳамда ҳомила асоратларини камайтиришда муҳим ўрин тутади. Калит сўзлар: преэклампсия, эрта ташхис, лаборатор методлар, эндотелиал дисфункция, биомаркерлар, PlGF, sFlt-1, ҳомиладорлик.
Перевод пока недоступен