BAKTERIOFAGLARNING INFEKSION KASALLIKLARDA QO'LLANILISHI

So‘nggi yillarda antibiotiklarga chidamli mikroorganizmlar sonining ortib borishi infeksion kasalliklarni davolashda muqobil usullarni izlash zaruratini yuzaga keltirmoqda. Shu nuqtayi nazardan bakteriofaglar, ya’ni bakterial hujayralarni tanlab zararlovchi viruslar, katta ilmiy va klinik ahamiyat kasb etmoqda. Ushbu ilmiy ishda bakteriofaglarning biologik xususiyatlari, ularning bakterial infeksiyalarni nazorat qilishdagi mexanizmlari hamda infeksion kasalliklarni davolash va oldini olishdagi o‘rni tahlil qilindi. Bakteriofaglarning yuqori spetsifikligi, inson organizmi uchun nisbatan xavfsizligi va normal mikrofloraga salbiy ta’sir ko‘rsatmasligi ularni zamonaviy tibbiyotda istiqbolli biologik vosita sifatida ko‘rsatadi. Tadqiqot natijalari bakteriofag terapiyasi antibiotiklarga muqobil yoki qo‘shimcha davolash usuli sifatida infeksion kasalliklar amaliyotida muhim ahamiyatga ega ekanligini tasdiqlaydi

Перевод пока недоступен