COVID-19 ДАН КЕЙИНГИ БЕМОРЛАРДА БАКТЕРИАЛ КОИНФЕКЦИЯЛАРНИНГ КЛИНИК-ЛАБОРАТОР ХУСУСИЯТЛАРИ
Аннотация
Резюме. Мазкур тадқиқотда COVID-19 инфекциясидан кейин ривожланадиган бактериал коинфекцияларнинг клиник-лаборатор хусусиятлари, этиологик таркиби ва кечиш оғирлиги ўрганилди. Тадқиқот натижаларига кўра, бактериал коинфекция кузатилган беморларда тана ҳароратининг ошиши, нам йўтал, балғам ажралиши, нафас қисилиши ҳамда кислород сатурациясининг пасайиши кўпроқ қайд этилди. Ушбу гуруҳда касаллик давомийлиги сезиларли узайди, лейкоцитоз, нейтрофилия, С-реактив оқсил ва прокальцитонин миқдори юқори бўлди. Компьютер томографияда сегментар пневмония, икки томонлама инфильтратлар ва фибротик ўзгаришлар тез-тез аниқланди. Этиологик омиллар орасида Streptococcus pneumoniae, Staphylococcus aureus, Haemophilus influenzae ҳамда Klebsiella ва Pseudomonas турлари устунлик қилди. Антибиотикрезистент штаммларнинг аниқланиши даволашни антибиотикограмма асосида индивидуаллаштириш зарурлигини кўрсатди. Калит сўзлар: COVID-19, бактериал коинфекция, пневмония, антибиотикрезистентлик, прокальцитонин, С-реактив оқсил, микрофлора.
Перевод пока недоступен