AHMAD DONISHNING ASTRONOMIK ILMIY MEROSI ("Istiḥrāj-i ṭūl va ʿarż-i balad" asari misolida)

Ushbu maqolada Ahmad Donishning astronomik ilmiy merosi “Istiḥrāj-i ṭūl va ʿarż-i balad” (“Joyning geografik uzunligi va kengligini chiqarish”) asari misolida tadqiq etiladi. Tadqiqotda asar bir manba doirasida – Beruniy nomidagi Sharqshunoslik instituti fondida saqlanayotgan 2247-raqamli majmua tarkibidagi qo‘lyozma sifatida qaraladi. Asosiy e’tibor Beruniy elektron katalogidagi 2247/5 ko‘rsatkichi bilan A. B. Vildanova katalogidagi 2247/4 qaydi o‘rtasidagi farqni tarixshunoslik nuqtai nazaridan izohlash, asarning ilmiy mazmuni, kodikologik xususiyatlari, tarkibiy tuzilishi va zamonaviy astronomik-geodezik amaliyot bilan mutanosib jihatlarini tahlil qilishga qaratildi. Qo‘lyozmada geografik uzunlik (ṭūl), geografik kenglik (ʿarż), Quyosh balandligi, niṣf al-nahār, Quyosh mayli, samt, shuningdek zāʾicha va ʿilm aḥkām al-nujūmga oid terminlar bir majmua doirasida yonma-yon kelishi aniqlanadi.

Перевод пока недоступен