TEMURIYLAR DAVRI HARBIY YURISHLARIDA YORDAMCHI ASBOB-ANJOMLAR TIZIMI VA ULARNING FUNKSIONAL TASNIFI

Mazkur maqolada Amir Temur va Temuriylar davrida harbiy yurishlarda qo‘llanilgan yordamchi asbob-anjomlar hamda aslahalarning tasnifi XIV–XV asr yozma manbalari asosida tahlil qilinadi. Tadqiqotda harbiy yurishlarning muvaffaqiyati faqat qurol-yarog‘larga emas, balki muhandislik, ta’minot, tashkiliy va aloqa vositalarining puxta yo‘lga qo‘yilgan tizimiga ham bog‘liq ekani ilmiy asoslab beriladi. Manbalar, xususan Temur tuzuklari, Zafarnoma va Matla’ us-sa’dayn va majma’ ul-bahrayn ma’lumotlari asosida askarlarning majburiy anjomlari, qo‘shin ta’minoti, muhandislik vositalari va logistika tizimi yoritiladi. Shuningdek, Temuriylar davrida harbiy-sanoat majmuasining shakllanishi, qurol ishlab chiqarishning markazlashuvi va davlat nazoratida bo‘lganligi tahlil etiladi. Tadqiqot natijalari Temuriylar davrida harbiy yurishlar puxta rejalashtirilgan logistika, muhandislik va tashkiliy tizim asosida amalga oshirilganini ko‘rsatadi.

Перевод пока недоступен