ILDIZ KANALINI DAVOLASHDA IRRIGATSIYA USULLARINING SAMARADORLIGI VA ZAMONAVIY YONDASHUVLAR

Ushbu maqolada ildiz kanalini davolashda irrigatsiya usullarining klinik samaradorligi, asosiy irrigant eritmalarning ta’sir mexanizmi hamda zamonaviy aktivatsiya texnologiyalarining amaliy qiymati tahlil qilinadi. Endodontik davolashda ildiz kanalini mexanik shakllantirish infeksiyalangan to‘qimalarni kamaytiradi, lekin kanal tizimining murakkab anatomiyasi sababli mikroorganizmlar lateral kanallar, apikal delta, istmuslar va dentin naychalarida saqlanib qolishi mumkin. Shu jihatdan irrigatsiya kanal tizimini kimyoviy dezinfeksiya qilish, nekrotik to‘qimalarni eritish, smear layerni kamaytirish va biofilmga ta’sir ko‘rsatishda asosiy bosqichlardan biri sanaladi. Maqolada natriy gipoxlorit, EDTA, xlorheksidin va limon kislotasining endodontik amaliyotdagi o‘rni, ularni qo‘llashdagi xavfsizlik talablari, irrigantlar o‘rtasidagi kimyoviy nomutanosiblik hamda ultratovush, sonik, apikal negativ bosim va lazer asosidagi aktivatsiya usullarining afzalliklari yoritiladi. Shuningdek, irrigatsiya samaradorligini baholashda CFU ko‘rsatkichi, irrigatsiya hajmi, ta’sir vaqti, ishchi uzunlik va igna joylashuvi kabi amaliy mezonlar ko‘rib chiqiladi

Перевод пока недоступен