SUN'IY INTELLEKT VA INSON IJTIMOIY FAOLLIGI TRANSFORMATSIYASI: IJTIMOIY-FALSAFIY

Mazkur maqolada sun'iy intellekt texnologiyalarining inson ijtimoiy faolligiga ko'rsatayotgan ta'siri ijtimoiy-falsafiy nuqtayi nazardan tahlil qilinadi. Raqamli texnologiyalar va sun'iy intellekt tizimlarining rivojlanishi natijasida jamiyatdagi kommunikativ munosabatlar, mehnat faoliyati, ta'lim, siyosiy ishtirok hamda ijtimoiy ong shakllarida yuz berayotgan transformatsion jarayonlar ochib beriladi. Shuningdek, inson va sun'iy intellekt o'rtasidagi o'zaro munosabatlarning ijtimoiy faollik mazmuniga ta'siri, virtual makonning kengayishi hamda raqamli muhitda yangi ijtimoiy identifikatsiya shakllarining paydo bo'lishi tahlil etiladi. Tadqiqotda tizimli, qiyosiy va dialektik yondashuvlardan foydalanilgan. Muallif tomonidan sun'iy intellektning inson ijtimoiy faolligini kengaytiruvchi imkoniyatlari bilan bir qatorda, ijtimoiy begonalashuv, manipulyativ axborot ta'siri va nazorat mexanizmlarining kuchayishi kabi salbiy jihatlar ham ilmiy asosda yoritilgan. Tadqiqot natijalari zamonaviy raqamli jamiyat sharoitida inson ijtimoiy faolligining yangi falsafiy talqinlarini shakllantirishga xizmat qiladi.

Перевод пока недоступен