TAYANCH-HARAKAT APPARATI KASALLIKLARIDA IBN SINO QARASHLARI ASOSIDA PROFILAKTIKA VA DAVOLASH YONDASHUVLARI

Ushbu maqolada tayanch-harakat apparati kasalliklari, xususan suyak sinishi, bo‘g‘im chiqishi, pay jarohatlari va tana shikastlanishlarida Ibn Sino tomonidan ilgari surilgan profilaktika hamda davolash yondashuvlari tahlil qilindi. Maqolada Ibn Sinoning “Tib qonunlari” asarida bayon etilgan ortopedik qarashlari, Al-Xala - bo‘g‘im chiqishi, suyak sinishlarini tasniflash, immobilizatsiya, bintlash, shinalash, jarohatlarni tozalash va tabiiy dorivor vositalardan foydalanish tamoyillari yoritildi. Tahlillar Ibn Sino yondashuvlarida davolash jarayoni faqat dori vositalarini qo‘llash bilan cheklanmaganini, balki mexanik tuzatish, a’zoni tinchlantirish, qon aylanishini saqlash, shish va yallig‘lanishning oldini olish kabi bosqichma-bosqich klinik qarashlarga asoslanganini ko‘rsatadi. Ushbu tarixiy-tahliliy yondashuv xalq tabobati va zamonaviy travmatologiya-ortopediya o‘rtasidagi ilmiy bog‘liqlikni ko‘rsatishi bilan ahamiyatlidir.

Перевод пока недоступен