BOLALARDA PROGRESSIV MULTIFOKAL LEYKENSEFALOPATIYADA OZONOTERAPIYANING TERAPEVTIK SALOHIYATI: ZAMONAVIY ILMIY MA'LUMOTLAR SHARHI

Annotatsiya.Progressiv multifokal leykensefalopatiya (PML) - John Cunningham virusi reaktivatsiyasi natijasida rivojlanadigan markaziy asab tizimining og‘ir demiyelinizatsion kasalligi bo‘lib, asosan immuniteti susaygan shaxslarda uchraydi. Pediatrik yoshdagi PML holatlari juda kam kuzatiladi va odatda tug‘ma yoki orttirilgan immunodefitsit holatlari, jumladan OIV infeksiyasi hamda immunosupressiv terapiya bilan bog‘liq bo‘ladi. Kasallikning klinik kechishi og‘ir bo‘lib, an’anaviy antivirus davolash usullarining samaradorligi cheklanganligi sababli davolash masalasi dolzarb bo‘lib qolmoqda.So‘nggi yillarda ozonoterapiya nevrologik kasalliklarda qo‘shimcha davolash usuli sifatida o‘rganilmoqda. Ozon to‘qimalarda kislorod yetkazib berilishini yaxshilaydi, mitoxondrial metabolizmni faollashtiradi, endogen antioksidant tizimlarni rag‘batlantiradi hamda sitokinlar va interferonlar ishlab chiqarilishini modulyatsiya qilish orqali immun javobni tartibga soladi. Ushbu mexanizmlar PML patogenezida muhim o‘rin tutuvchi immun disfunksiya, oksidlovchi stress va progressiv demiyelinizatsiya jarayonlariga ta’sir ko‘rsatishi mumkin.Ushbu sharhda bolalarda PMLni davolashda ozonoterapiyaning potensial terapevtik imkoniyatlari tahlil qilindi. Mavjud ma’lumotlar kombinatsiyalangan terapiya virus yuklamasini kamaytirishi, magnit-rezonans tomografiyada demiyelinizatsiya o‘choqlarining regressiyasini tezlashtirishi hamda nevrologik funksiyalarning qisman tiklanishiga yordam berishi mumkinligini ko‘rsatadi.Ozonoterapiya pediatrik PMLni boshqarishda istiqbolli qo‘shimcha terapevtik yondashuv hisoblanadi, biroq uning klinik samaradorligini aniq baholash uchun keng ko‘lamli nazoratli klinik tadqiqotlar o‘tkazish zarur.

Перевод пока недоступен