AXBOROT URUSHLARI SHAROITIDA OAV KUN TARTIBINI SHAKLLANTIRISH MASALASI: IMRAD TADQIQOT TAHLILI

Ushbu tadqiqot axborot urushlari sharoitida ommaviy axborot vositalari (OAV) tomonidan kun tartibini (agenda) shakllantirishning mexanizmlarini IMRAD metodologiyasi asosida tahlil etadi. Tadqiqotda McCombs va Shaw tomonidan ishlab chiqilgan «Agenda-Setting» nazariyasining uch darajali modeli, G. Pocheptsov «sukut taktikasi» va «framing» (ramkalash) usullari nazariy asos sifatida qo'llanilgan. Tahlil ob'ekti sifatida O'zbekiston («Xalq so'zi», «Vatanparvar»), Rossiya («Krasnaya Zvezda») va xalqaro (CNN) nashrlari tanlangan bo'lib, uch xil tarixiy davr — 1941 (Ikkinchi Jahon urushi), 2000 (Sariosiyo voqealari) va 2022-yil (Rossiya-Ukraina to'qnashuvi) qoplanadigan materiallar qiyosiy tahlil usulida o'rganilgan. Natijalar shuni ko'rsatadiki, barcha tadqiqot ob'ektlari kun tartibini strategik kommunikatsiya vositasi sifatida qo'llagan va jamiyatni yagona narrativ atrofida jipslashtirish uchun xizmat qilgan.

Перевод пока недоступен