NA’MATAK VA SHIRINMIYA O‘SIMLIKLARINING ANTIOKSIDANT FAOLLIGINI O‘RGANISH

Mahalliy dorivor o‘simliklardan Na’matak (Rosa canina L) va shirinmiya (Glycyrrhiza glabra L) o‘simliklaridan turli miqdoriy nasbatlarda tayyorlangan namunalari suvli hamda etanolli ekstraktlarining antioksidant faolligi tajribada tadqiq etildi. Antioksidantlikni aniqlash uchun adrenalinning autooksidlanish reaksiyasini ingibirlash xususiyatini spektrofotometrik oʻrganish usuli tanlandi. Tadqiqot natijalaridan ma’lum boʻldiki, Na’matak (Rosa canina L.) mevalari va shirinmiya (Glycyrrhiza glabra L.) ildizining 75:25 nisbati asosida tayyorlangan 3-namunaning etanolli ekstrakti boshqa ekstraktlarga nisbatan yuqori antioksidantlik faollik namoyon qiladi. Ushbu namunaning yuqori antioksidantligi, boy kimyoviy tarkibi asosida immunitet tizimini mustahkamlash, yuqori nafas yo‘llari kasalliklarini davolash hamda balg‘am ko‘chirish o‘rinlarida qo‘llash uchun tavsiyalar ishlab chiqildi.

Перевод пока недоступен