“ПОЛИТЕЙНМЕНТ” — ЗАМОНАВИЙ ТЕЛЕВИЗИОН ЖУРНАЛИСТИКАДА ИЖТИМОИЙ-СИЁСИЙ МАВЗУЛАРНИ ТАҚДИМ ЭТИШНИНГ ОММАБОП УСУЛИ СИФАТИДА

Ўтган асрнинг 90-йиллар бошида Иттифоқнинг парчаланиши, мустақил давлатларнинг юзага келиши айрим иқтисодий, ижтимоий-сиёсий, мафкуравий муаммоларни келтириб чиқарган бўлса-да, ахборотга бўлган талабнинг сусайишига олиб келгани йўқ. Телевидение орқали берилаётган ахборотга аксарият томошабинларнинг ишончи жуда баланд эди. Яшаш тарзидаги тезликнинг ошгани, иқтисодий муаммолар гирдобида айрим стресс ҳолатларга дуч келинган, психологик босим кучайган бир пайтда руҳий хотиржамлик, ҳаловатга бўлган эҳтиёж ошиб борди. Ахборотнинг кўпайиши оқибатида дам олишга бўлган мойиллик кучайди. Матбуотда рекреативликнинг пайдо бўлиши, вақт ўтиши билан бошқа медиаларда, жумладан телевидениеда ҳам кўрина бошлади. Қисқа муддатда телевидениеда кўнгилочар йўналишдаги дастурлар “интертейнмент” (“entertainment”) оммалашди. Янгиликлар йўналишидаги телеканаллар ҳам ахборот тайёрлаш ва оммага йўналтиришнинг энг таъсирчан усулларини амалиётга жорий қилди. “Инфотейнмент (infotainment)” атамасининг амалда пайдо бўлиши ва қўлланилиши информацион дастурларда кўнгилочар элементларнинг кириб келиши асносида бошланди. Мақолада замонавий телевизион журналистикада ижтимоий-сиёсий мавзуларни тақдим этишнинг оммабоп усули — политейнментдан фойдаланишдаги халқаро тажриба ва миллий телеканалларда қўлланилишига доир қарашлар ҳақида сўз борган ҳамда давлат ва нодавлат телеканаллардаги баъзи лойиҳалар таҳлил этилган. Шунингдек, “политейнмент” замонавий телевизион журналистикада сиёсий қараш ва ёндашувларни илгари суришнинг самарали усули эканлиги ҳам ўрганилди. Мақолада қиёсий-тарихий, аналитик, таркибий ва функционал таҳлил, назарий ва эмпирик методлардан фойдаланилди.

Ҳали таржима қилинмаган