Sopolli madaniyat taqinchoqlarining turlari va vazifasi xususida mulohazalar
Аннотация
Sopolli madaniyat Oks sivilizatsiyasining mahaliy shimoliy Baqtriya varianti bo`lib, mil.avv. XX asrdan XV asrgacha bo`lgan vaqt oralig`ida gullab yashnagan. Janubiy O`zbekiston hududida bugungi kungacha 45 ga yaqin Sopolli madaniyat yodgorliklari aniqlangan bo`lib, shulardan 12 tasida arxeologik qazishma ishlari olib borilgan. Ushbu madaniyat sohiblari dehqonchilik, chorvachilik bilan bir qatorda hunarmandchilikni ham teng rivojlantirgan jamoa hisoblanib, ayniqsa hunarmandchilikning bir tarmog`i hisoblangan zargarlik sohasida juda katta yutuqlarga erishishgan. Sopolli madaniyat yodgorliklaridan bugungi kunda insonlar tomonidan taqib yuriladigan taqinchoqlarning barcha turlari topilgan. To`g`nog`ich, diadema, sirg`a, munchoq, marjon, shokila, tumor, bilaguzuk va uzuklar shular jumlasidandir. Ushbu maqolada Sopolli madaniyat yodgorliklaridan topilgan taqinchoqlarning turlari va ularning vazifasi to`g`risidagi tarixiy va arxeologik ma`lumotlar ilmiy tahlil qilingan.