NEFT YO'LDOSH GAZLARINI KATALITIK PIROLIZLAB NANOUGLEROD OLISH REAKSIYASI TEZLIGIGA TURLI OMILLARNING TA'SIRI
Аннотация
Neft yo‘ldosh gazlarini katalitik pirolizlab nanouglerod olish reaksiyasida 14%Ni·4%Co·7%Fe·6%Cu/YUKS va 14%Ni·4%Co·6%Fe·4%Cu·2%Mo/YUKS tarkibli katalizatorlar ishtirokida nanouglerodli qatlamlar hosil bo‘lish tezligiga metanni katalitik pirolizlash jarayonining turli parametrlarining ta’siri o‘rganilgan. Katalizatorlar ishtirokida nanouglerod hosil bo‘lishiga harorat ta’siri bo‘yicha tajribalar natijalariga ko‘ra, katalizator 1 soat ishlashi davomida 500, 550 va 650℃ haroratlarda mos ravishda 7,2; 17,5; 22.2 g/gkat ni tashkil etgan. 2,5 soat davomida 9 g massali katalizatorlar ishtirokida, qatlamining 0,8 sm atrofida qalinlikdagi miqdorlarida, metanning chiziqli tezligi 250 sm/daq bo‘lganda turli haroratda nanouglerodning hosil bo‘lishi o‘rganilganda 650℃ da 14%Ni·4%Co·6%Fe·4%Cu·2%Mo/YUKS da 598 g/soat nanouglerod hosil bo‘lishi aniqlangan.