"TUG'RUQDAN KEYINGI DEPRESSIYA VA UNING OQIBATLARI "
Аннотация
Tug‘ruqdan keyingi depressiya bugungi kunning dolzarb muammolaridan biri hisoblanadi. Uning rivojlanishida psixologik, ijtimoiy, moddiy va tibbiy muammolar asosiy o‘rinni egallaydi. Umuman depressiyaga moyil va undan aziyat chekayotgan ayollarimiz yaqin do‘st-yor, qarindosh -urug‘lari ko‘magi va moddiy qo‘llab -quvvatlashiga muhtoj bo‘ladilar. Depressiyaga uchragan ona tarbiya qilayotgan bolalarda ijtimoiy moslashuvchanlik qiyin kechishi va ham jismoniy ham psixologik rivojlanishdan ortda qolishi mumkin. Ayollarimizning tug‘ruqdan keyingi ruhiy tushkunlikka tushishining oldini olish va qarshi kurashish uchun avvalo oilada sog‘lom muhit shakllantirilishi kerak. Farzand tarbiyasida otalarning rolini oshirish talab etiladi. Turli vaziyatlar tufayli yolg‘iz farzand katta qilayotgan ijtimoiy himoyaga muhtoj , o‘z uy joyi va daromad manbaiga ega bo‘lmagan ayollarimizni davlat himoyasiga olib to farzandi bog‘cha yoshiga yetguncha uy-joy bilan taʼminlanishi zarur. Ana Shundagina turli ijtimoiy-maishiy sabablar tufayli odam savdosi qurboniga aylanayotgan go‘daklar soni biroz kamaygan bo‘larmidi.