KICHIK TADBIRKORLIK SUBYEKTLARINI SOLIQQA TORTISHNING NAZARIY JIHATLARI
Аннотация
Mazkur maqolada kichik tadbirkorlik subyektlarini soliqqa tortishning nazariy jihatlari tahliliy ravishda o‘rganilgan. Kichik biznes mamlakat iqtisodiyotining muhim tarkibiy qismlaridan biri bo‘lib, uning barqaror rivojlanishi soliqqa tortish tizimi bilan bevosita bog‘liq. Soliq yukining darajasi va uning shakllanish tamoyillari tadbirkorlikning hamda kichik biznesning iqtisodiy faoliyati rivojlanishiga sezilarli darjada ta’sir ko‘rsatuvchi omillardan hisoblanadi. Ilmiy tadqiqotda mavjud soliqqa tortish tizimlari, ularning samaradorligi va iqtisodiy rivojlanishga ta’siri nazariy jihatdan o‘rganiladi. Shuningdek, soliq yukini optimallashtirish, yashirin iqtisodiyotni qisqartirish hamda tadbirkorlik subyektlari uchun shaffof soliq tizimlari bo‘yicha ilg‘or ilmiy-nazariy yondashuvlar tahlil qilinadi. Tadqiqot natijalari kichik biznes uchun mukammal soliq strategiyalarini ishlab chiqish, soliqqa tortish tizimini takomillashtirish va iqtisodiy barqarorlikni ta’minlashga qaratilgan hamda ilmiy asoslangan tavsiyalarni taqdim etishga xizmat qiladi.