БАЧАДОН БЎЙНИ САРАТОНИ ШАКЛЛАНГАН АЁЛЛАР ҚОН ЗАРДОБИДАГИ ЦИТОКИНЛАР МИҚДОРИЙ ЎЗГАРИШЛАРИНИ АНИҚЛАШ ВА БАҲОЛАШ НАТИЖАЛАРИ

Резюме. Мазкур тадқиқот бачадон бўйни саратони (ББС) билан касалланган аёлларда иммун тизимининг ҳолатини баҳолаш мақсадида қон зардобидаги цитокинлар миқдорий ўзгаришларини аниқлашга бағишланган. Тадқиқотда 80 нафар бачадон бўйни саратони ташхиси қўйилган аёллар ва 20 нафар соғлом аёллар иштирок этди. IFN-γ, IL-8, IL-4 ва IL-10 цитокинларининг қон зардобидаги концентрацияси иммунофермент таҳлил (ELISA) усули ёрдамида аниқланди. Олинган натижалар шуни кўрсатдики, касалликнинг бошланғич босқичларида IFN-γ даражаси сезиларли даражада ошган бўлса, саратоннинг прогрессияланиши билан ушбу кўрсаткич изчил камайиб борди ва IV-босқичда соғлом аёллар кўрсаткичидан ҳам паст бўлди. Аксинча, IL-8, IL-4 ва IL-10 цитокинларининг миқдори касаллик босқичлари ошиб бориши билан барқарор равишда кўпайди. Аниқланган цитокинлар ўртасидаги дисбаланс бачадон бўйни саратони ривожланишида туғма ва адаптив иммунитет бўғинларининг қайта тузилишини акс эттиради. IFN-γ, IL-8, IL-4 ва IL-10 цитокинлари бачадон бўйни саратонининг клиник кечиши ва прогнозига баҳо беришда муҳим биологик ва прогностик биомаркерлар сифатида тавсия этилади. Калит сўзлар: бачадон бўйни саратони, цитокинлар, IFN-γ, IL-8, IL-4, IL-10, иммунитет, биомаркер.

Ҳали таржима қилинмаган