TALABALARNI INVARIANTIV VA VARIATIV TAHDIDLARDAN HIMOYALASHNING PEDAGOGIK STRATEGIYASI
Аннотация
Mazkur maqolada talabalarni invariantiv va variativ tahdidlardan himoyalashning pedagogik strategiyasi haqida fikrlar keltirilgan. Shuningdek, invariantiv va variativ tahdidlarning turi, koʻrinishlari, salbiy oqibatlari va ularning mazmun-mohiyati yoritib berilgan. Talabalar mustaqil fikrlash, tanqidiy tahlil qilish, axborot xurujlariga qarshi immunitet hosil qilish va moslashuvchanlik kabi qobiliyatlarga ega boʻlishlari kerak. Pedagogik strategiyalarni rivojlantirish va ularni amaliyotga tatbiq etish orqali taʼlim muassasalari yanada barqaror va xavfsiz oʻquv muhitini yaratishi mumkin. Bu esa talabalarni nafaqat tahdidlardan himoya qilishga, balki ularning kelajakda muvaffaqiyatli shaxs sifatida shakllanishiga ham xizmat qiladi. Talabalarni invariantiv va variativ tahdidlardan himoya qilish jamiyatning maʼnaviy farovonligi, uning ijtimoiy rivojlanish darajasi koʻrsatkichi. Chunki talabalarning maʼnaviy-axloqiy xatti-harakatlari hayot sohasidan qatʼiy nazar, jamiyatning barcha muammolari va tashvishlarini ochib beradi.