“IJTIMOIY DAVLAT” TAMOYILINING YANGI OʻZBEKISTON SHAROITIDAGI HUQUQIY MAQOMI VA XALQARO TAJRIBA BILAN TAQQOSLAMA TAHLILI
Аннотация
Ushbu maqolada “ijtimoiy davlat” tushunchasining nazariy asoslari va rivojlangan Yevropa davlatlaridagi (Germaniya, Fransiya, Skandinaviya h.k.) namoyon boʻlish xususiyatlari tahlil qilinadi. Shuningdek, Yangi Oʻzbekiston sharoitida mazkur tamoyilning huquqiy maqomi ochib berilib, yangi tahrirdagi Oʻzbekiston Respublikasi Konstitutsiyasida “ijtimoiy davlat” gʻoyasining mustahkamlanishi koʻrsatiladi. Ijtimoiy siyosatida amalga oshirilayotgan islohotlar – kambagʻallikni qisqartirish, aholini ijtimoiy himoya qilish, sifatli taʼlim va tibbiyotga erishish borasidagi chora-tadbirlar (Ijtimoiy himoya milliy agentligi tashkil etilishi, yangi dastur va raqamli reyestrlar joriy etilishi) boʻyicha amaliy natijalar tahlil qilinadi. Prezident farmon va qarorlari negizida ijtimoiy davlat barpo etishning huquqiy asoslari tahlil qilinib, xalqaro tajriba bilan taqqoslangan holda ilmiy xulosalar va takliflar bildiriladi.