DESTRUKTIV TARGʻIBOT TAʼSIRIDAN HIMOYALANISHDA TANQIDIY TAFAKKURNI SHAKLLANTIRISH AHAMIYATI
Аннотация
Mazkur maqolada konstruktiv xarakterga ega boʻlgan zamonaviy targʻibot sistemalari takomil topib borayotgan bir sharoitda destruktiv targʻibot shakllari va vositalari ham murakkablashayotgani qayd qilinadi va kishilar ongi va faoliyatini destruktiv zamonaviy targʻibot taʼsiridan himoya qilish uchun uch asosiy vazifani hal qilish zarurligi isbotlanadi: a) jamiyat maʼrifiy imkoniyatlariga tayangan holda kishilarda tanqidiy tafakkurni yuksaltirish zarur; b) ommaviy axborot vositalari va ijtimoiy tarmoqlar imkoniyatlaridan foydalanish orqali jamoatchilik fikrini yanada sogʻlomlashtirish kerak; v) milliy maʼnaviy targʻibot sistemasini takomillashtirish lozim ekanligi taʼkidlanadi. Shu bilan birga zamonaviy jamiyatda kishilar ongi va faoliyatini tobora faollashib borayotgan destruktiv zamonaviy targʻibot taʼsiridan muhofazalash borasidagi birinchi vazifa ularda tanqidiy tafakkurni yuksaltirish bilan bogʻliqligi, buning uchun mazkur vazifa ijrosiga jamiyatning barcha maʼrifiy imkoniyatlari safarbar qilinmogʻi, mazkur imkoniyatlar vositasida tanqidiy tafakkurni yuksaltirish imkonini beradigan tizimli choralar amalga oshirilmogʻi kerak degan taklif va tavsiyalarni beradi.