BUXORO XONLIGIDA QISHLOQ XOʻJALIGI VA AGRAR TUZUM, SUGʻORISH TIZIMI HAMDA YER EGALIGI MASALALARI (XIX ASR MISOLIDA)
Аннотация
Ushbu ilmiy maqola Buxoro xonligidagi agrar tizim, yer egaligi va sugʻorish tizimining oʻziga xos xususiyatlarini oʻrganishga bagʻishlangan. XIX asr Buxoro xonligi iqtisodiy va siyosiy tuzilmasining markaziy elementlaridan biri boʻlgan agrar tuzumning rivojlanishi, yer va suv resurslarining taqsimlanishi, shuningdek, ijtimoiy tabaqalanish jarayonlari tahlil qilinadi. Maqolada Buxoro xonligidagi agrar tizimning ishlab chiqarish mexanizmlariga, yer egaligiga va bu tizimning jamiyatdagi siyosiy tuzum bilan bogʻliqligiga alohida eʼtibor qaratiladi. Metodologik jihatdan maqola tarixiy tahlil va ijtimoiy-iqtisodiy yondashuvlar asosida yozilgan boʻlib, oʻzbek va xorijiy tadqiqotchilarning ishlariga tayanadi. Tadqiqot jarayonida qishloq xoʻjaligi, sugʻorish tizimi va yer boshqaruvi masalalariga oid mavjud adabiyotlar tahlil qilinadi va oʻrganilgan mavzu boʻyicha yangi xulosalar chiqariladi. Maqola yakunida, Buxoro xonligidagi agrar tizimning siyosiy va iqtisodiy oqibatlari haqida umumiy xulosa berilgan va bugungi kunda Oʻzbekiston agrar siyosatini isloh qilishga oid takliflar keltirilgan. Tadqiqotning natijalari, ayniqsa, zamonaviy agrar siyosatni shakllantirishda va yer munosabatlarini isloh qilishda foydalidir.