O‘ZBEKISTON VA BIRLASHGAN ARAB AMIRLIKLARI – BARQAROR RIVOJLANISH YO‘LIDA HAMKORLIK
Аннотация
Mazkur maqolada O‘zbekiston Respublikasi va Birlashgan Arab Amirliklari o‘rtasidagi o‘sib borayotgan hamkorlik aloqalari tahlil qilindi. O‘zbekiston mustaqillikka erishganidan so‘ng, ikki mamlakat o‘rtasidagi madaniy va diniy umumiylik, musulmon dunyosining birdamligi hamda tarixiy merosga asoslangan aloqalar yanada rivojlanishga turtki bo‘ldi. Birlashgan Arab Amirliklari, o‘zining katta moliyaviy imkoniyatlari bilan, istiqbolli mintaqalarga, jumladan, O‘zbekistonga ham sarmoya kiritishga qiziqish bildirgan. Iqtisodiy jihatdan, O‘zbekiston Markaziy Osiyo mamlakatlari orasida sarmoya kiritish uchun eng qulay joylardan biri sifatida ko‘rilmoqda. Birlashgan Arab Amirliklari va O‘zbekiston o‘rtasidagi o‘zaro munosabatlar savdo, investitsiyalar, transport va kommunikatsiyalar, madaniy-gumanitar, ekologiya va turizm sohalarida mustahkamlanib, ikki davlatning o‘zaro hamkorlikda yangi imkoniyatlarni yaratishiga xizmat qilmoqda.