OʻZBEKISTONDA AXBOROT XAVFSIZLIGINI TAʼMINLASHNING DOLZARB MASALALARI
Аннотация
Mazkur maqolada Oʻzbekistonda axborot xavfsizligini taʼminlashning ijtimoiy-falsafiy jihatlari tahlil qilingan. XXI asrni “axborotlashgan jamiyat” davri sifatida tavsiflash mumkin boʻlib, ushbu davrda axborot insoniyat hayoti, tafakkuri va jamiyat taraqqiyotiga ijobiy hamda salbiy taʼsir oʻtkazuvchi qudratli vositaga aylandi. Shu nuqtai nazardan, axborot xavfsizligini kafolatlash, milliy manfaatlarni himoya qilish hamda yoshlar ongini turli buzgʻunchi gʻoyalardan asrash masalalari dolzarb ahamiyat kasb etmoqda. Maqolada axborot siyosati va milliy xavfsizlik oʻrtasidagi uzviy bogʻliqlik yoritilib, internet makonidagi salbiy oqimlar – yolgʻon xabarlar, buzgʻunchi gʻoyalar, ommaviy madaniyat niqobi ostidagi madaniyatsizlik va kiberjinoyatchilik kabi tahdidlar misolida masalaning murakkabligi koʻrsatib berilgan. Shuningdek, davlat miqyosida axborot xavfsizligini taʼminlashning asosiy strategiyalari – shaxsiy maʼlumotlarni himoya qilish, kompyuter tarmoqlarini xavfsizligini mustahkamlash, kiberjinoyatlarga qarshi kurashish, xalqaro hamkorlikni kengaytirish kabi chora-tadbirlar tahlil qilingan.