ЭНДОГЕН РУҲИЙ КАСАЛЛИКЛАРДА ХАВОТИР СИМПТОМАТИКАСИНИНГ ПОЛИМОРФИЗМИ ВА ДИФФЕРЕНЦИАЛ ДИАГНОСТИК ХУСУСИЯТЛАРИ

Резюме. Ушбу мақолада эндоген руҳий касалликларда хавотир симптоматикаси полиморфизми ва унинг дифференциал диагностик хусусиятлари ўрганилди. Тадқиқот Республика ихтисослашган руҳий саломатлик илмий-амалий тиббиёт маркази Самарканд филиалида ётқизилган 100 нафар беморда олиб борилди. Асосий гуруҳда (n=70) хавотир симптоматикаси кўпроқ ва турли шаклларда (аффектив, вегетатив ва когнитив компонентлар) намоён бўлди, назорат гуруҳи (n=30) эса минимал хавотир симптоматикасига эга эди. Психометрик таҳлиллар STAI ва HAM-A шкалаларида асосий ва назорат гуруҳлари орасида статистик жиҳатдан аҳамиятли фарқни кўрсатди (p < 0,01). МоCА натижалари хавотир даражаси ва когнитив функциялар орасида салбий корреляцияни тасдиқлади (r = -0,52, p < 0,01). Тадқиқот натижалари хавотирнинг эндоген руҳий касалликлардаги полиморф хусусиятлари ва уларнинг клиник аҳамиятини, шунингдек дифференциал диагностикадаги аҳамиятини кўрсатди ва клиник амалиётда хавотирни баҳолаш ва самарали реабилитация стратегияларини ишлаб чиқиш учун илмий асос яратди. Калит сўзлар: эндоген руҳий касалликлар, хавотир симптоматикаси, полиморфизм, дифференциал диагностика, аффектив компонент, когнитив компонент, вегетатив компонент, психометрия.

Ҳали таржима қилинмаган