ЭНЦЕФАЛИТ ВА НЕЙРОИНФЕКЦИЯНИ БОШДАН КЕЧИРГАН БОЛАЛАРДА БЦФ РИВОЖЛАНИШИНИНГ ДИФФЕРЕНЦИАЛ-ДИАГНОСТИК ВА ПРОГНОСТИК КЎРСАТКИЧЛАРИ
Аннотация
Резюме. Мазкур мақолада энцефалит ва нейроинфекцияни бошдан кечирган болаларда болалар церебрал фалажи (БЦФ) ривожланишининг дифференциал-диагностик ҳамда прогностик кўрсаткичлари таҳлил қилинган. Марказий асаб тизимининг инфекцион шикастланишлари болалар организмида оғир неврологик асоратлар қолдириши мумкин бўлиб, улар орасида ҳаракат функциясининг бузилиши, мушак тонусининг ўзгариши, психомотор ривожланишнинг кечикиши ҳамда турли даражадаги спастик синдромлар муҳим ўрин тутади. Шу сабабли энцефалит ва нейроинфекциядан кейинги даврда БЦФни эрта аниқлаш, дифференциал диагностикасини такомиллаштириш ва касаллик прогнозини баҳолаш долзарб тиббий муаммолардан бири ҳисобланади. Тадқиқотнинг мақсади – энцефалит ва нейроинфекцияни бошдан кечирган болаларда БЦФ ривожланиш хавфини аниқлаш, клиник-неврологик белгилар, нейровизуализатсион текширувлар ҳамда лаборатор кўрсаткичлар асосида дифференциал ташхис мезонларини ишлаб чиқиш ва прогноз омилларини белгилашдан иборат. Тадқиқот жараёнида клиник-неврологик кўрик, магнит-резонанс томография (МРТ), компьютер томографияси (КТ), электроэнцефалография (ЭЭГ) натижалари ҳамда анамнестик маълумотлар чуқур таҳлил қилинди. Шунингдек, болаларнинг психомотор ривожланиш динамикаси, рефлектор фаолияти ва мушак тонусидаги ўзгаришлар баҳоланди. Калит сўзлар: Энцефалит, нейроинфекция, болалар церебрал фалажи (БЦФ), дифференциал диагностика, прогностик кўрсаткичлар, марказий асаб тизими, гипоксик-ишемик шикастланиш, нейровизуализатсия, МРТ, ЭЭГ, психомотор ривожланиш, спастик синдром, неврологик дефицит, реабилитация.
Ҳали таржима қилинмаган