TORCH-INFEKSIYALAR VA HOMILA PATOLOGIYALARI
Аннотация
Mazkur maqolada TORCH-infeksiyalar (toksoplazmoz, qizamiqcha, sitomegalovirus, gerpes va boshqa infeksiyalar) hamda ularning homila rivojlanishiga ta’siri zamonaviy ilmiy manbalar asosida tahlil qilindi. Tadqiqot natijalari TORCH-kompleks infeksiyalari homiladorlik davrida vertikal yuqish orqali og‘ir tug‘ma nuqsonlar, nevrologik shikastlanishlar va intrauterin o‘sishdan ortda qolishga olib kelishi mumkinligini ko‘rsatdi. Ayniqsa, birinchi trimestrda yuzaga kelgan birlamchi infeksiyalar homila uchun yuqori xavf tug‘diradi. Maqolada diagnostika usullari (serologik, molekulyar-genetik, ultratovush tekshiruvi) va profilaktik chora-tadbirlarning ahamiyati yoritilgan. TORCH-infeksiyalarni erta aniqlash va monitoring qilish perinatal kasallanish va o‘lim ko‘rsatkichlarini kamaytirishda muhim omil hisoblanadi.